|
| 尋日岩岩係大陸返黎,返左去3日(20,21,22),計返我都有2年冇返過鄉下啦,今次返去係因為表姐結婚搵我做伴娘,20號個日好早就起身出門啦,返到去都成11點,食完lunch我就好悶啦,因為每個人都要幫手準備第二日既事,得我一個唔使做,好無聊咁睇下小說(好彩帶左2本小說返去),打下psp,發下呆咁又到食dinner啦,到10點我就去訓啦,因為好眼訓,不過唔知係唔係因為張床太硬呢,成晚訓下醒下咁,雖然好早訓但都係唔夠訓!第2日,即係結婚正日,9點起左身,已經有好多人黎左啦,見到表姐都開始set頭化妝,因為仲未輪到我,so我就走左去同d人打麻雀,不知不覺打左2個幾鍾,而表姐亦都化足2個幾鍾(使唔使咁耐呀),等我化完表姐已經換好衫啦,唔...件婚紗都唔錯!到1點新郎黎接新娘啦,岩岩踏入門口(房都未入)就係咁比女家d人用彩帶噴到成頭都係,哈哈,好彩我留係房入面如果唔係連我都遭殃!接過新娘我地就坐車去男家個邊,表姐同表姐夫要拜神,我同伴郎當然要跟住去啦,去左差唔多5,6個地方超累,之後又要趕返去女家回門,回完門又要趕返去男家敬酒,擺左差唔多有50圍酒,要逐個敬酒都幾係野,敬到人地食晒我都未有得食>.<超肚餓,超累!食完飯,我就返屋企,原本諗住早d sleep,不過有人撩我打麻雀,麻雀引一起又唔想訓啦,加上難得一次,so我就走左去打麻雀,打到12點阿媽要sleep,我地就迫住要收枱啦!!!第3日原本阿媽諗住9點就走,我聽到佢地話有醋飲同薑蛋食,我就叫阿媽,不如食埋lunch先走啦,食完飯又比人拉左去打多幾舖麻雀(佢地咁都唔放過),之後就搭的士落廣州返香港啦!! 做伴娘都幾好玩嫁,不過又真係累左d,一次好啦!!!! | | |
| 好耐都冇打過日記啦,尋晚同肥婆,ching,winnie,小銘,老mic去左mk打邊爐,打到差唔多一點就走人,返到home冇幾耐,細佬同佢gf返黎,嘩,條女真係幾厚面皮,走黎同我講野,問我係唔係唔中意佢囉(費話),叫我覺得佢有d咩唔岩可以話佢(費事同你講野),同佢"爹"左陣就sleep! 今日晏就同老公同埋阿爸去左酒樓飲下午茶,飲完就同老公去左mk睇相機,原本諗住係買canon or panasonic,不過睇睇下又發現又部唔錯,結果就買左個部(olympus)la!跟住就去左旺中行左陣,又去左花園街行左陣,就返大圍食野啦!!咁又一日啦!! 多謝你送比相機比我!!! | | |
| 尋日係一年一度中秋,我放早,肥婆放假,終於可以一齊出去玩啦,嘻嘻!!!!我,肥婆,winnie一早就約好左去睇花燈喇,winnie條友本身話想去CWB度賞月,你估佢真係會去到咁遠賞月咩,佢最主要既目的係去溝仔囉,可惜天公不造美想落雨咁,結果我地就去左TST啦!我叫左肥婆同winnie係佐敦同我一齊行去TST,諗住可以順便睇埋九龍公園d花燈,點知去到咩都冇囉,街燈就有幾盞(上年係有花燈嫁),唔知佢地有冇d比我水左既feel呢,哈哈!!去到尖咀我地去左打機先,間新野真係好抵呀,我地玩左幾鋪就見到個傻人囉,玩跳舞機打跟斗不止,就連玩太鼓都攞住兩支掍係度舞囉,我同肥婆開始攞住部電話拍短片,一開始得我地兩個拍,不久,圍觀既人就愈來愈多,而個傻仔唔知係唔係知道比咁多人圍,有d興奮就愈跳愈勁,又轉又呃咁,真係笑到我地肚痛呀,如果你真係諗住吸引人注意既話,我可以話比你聽(你成功左)睇到咁上下就出去睇花燈啦,不過睇左唔夠半個鍾佢就熄燈囉,人地都未睇完,又未映完相,肥婆比佢激死啦,之後就等埋小銘佢地去左MK打邊爐(原本諗住韓燒,不過太夜人地收左啦)>.<食到3點幾先起行返home,差唔多5點先訓!!好彩今日放假!! 不過都唔係訓得好耐,因為老公都放假,佢11點就黎左搵我啦,我地係屋企抖到2點先出街,去左沙田行街(終於可以同老公行街啦,好耐都冇同佢行過),係BSX買左幾件衫,再去levi's睇褲,老公買左條褲,佢知我睇中左條牛仔裙,叫我買,我真係覺得呢d野唔使著得咁貴,都唔明佢點解成日都咁鍾意去levi's買褲,$800一條褲我都覺得貴呀,何況我條裙,一條牛仔裙$700,我都係第一次著,多謝老公!!之後我地去左食椰林閣,食完就各自返屋企啦,今日真係好開心!! 9月22號唔記得打日記,呢日冇咩事發生,不過呢日就好值得記念,就係我同老公拍拖一週年喇!難得,難得!! | | |
| 今日去左e院照腸,等左半個鍾到就換衫入去,佢幫我打左鎮靜劑同麻醉藥,佢話整個過程我都係清醒既,但照完出返黎,我都冇咩印象,一開眼我就已經比人推出左去休息處,根本都唔係清醒既 ,照腸都幾舒服,不過昨日飲既瀉水就太恐怖啦,昨晚飲左2公升,今朝又再飲多2公升,飲到個肚大到好似有左bb咁,又難飲喎,d味好腥呀,我每飲一杯都想嘔呀,好彩我冇事姐 !!大家快d恭喜我啦!!! | | |
| 尋日放假晨早就去左油麻地睇牙啦,以為隻門牙有個洞仔,原來係牙石,醫生叫我洗牙,我問佢會唔會流血不止嫁,佢好串咁答我:我未試過有人流牙死左囉,如果唔係睇在我d牙,真係好想屌下佢,我考慮左陣就決定流喇,都唔係好痛姐,dd啦,價錢又ok唔算貴($285)!!!跟住就出左去荃灣啦,我要去pink box買介指呀,果隻野我恨左好耐嫁啦,之前老公成日都唔肯買,不過最近比我恨到啦,佢見我咁想要,又想我開心喎,so佢就肯買比我啦,真係好開心呀!!嘻嘻 返埋今日就開始放我既大假啦,放5,6,8,9,10而7號呢就要返黎頂肥婆放假喇,差唔多一個week見唔到肥婆啦,肥婆實悶死啦,要日日對住老細!!放假有咩做呢....老公5號生日,5.6要陪佢!! | | |
|
